أفلام مرة ثانية ..
سلام عليكم ..
رحت للبحرين شفت ثلاث افلام هالمرة .. 
الفترة الاخيرة صارت لهفتي للافلام بصورة غريبة ضعيفة جدا ، اتذكر حماسي في فترة سابقة للافلام ، متابعة الممثلين ، اتذكر اني كنت امر على ممثل معين من imdb واشوف افلامه كلها .. الان .. فترة ما بين 2001 و 2009 ما اعرف والله الممثل الفلاني ايش مثل وإلا ايش صلح ..
لذلك ربما تجي فايدة البحرين …
شفت هالمرة فيلمين حلوين ، وفيلم ماصل .!
The Curious Case of Benjamin Button
الفيلم .. نفسي جدا جميل ومتعوب عليه ، التمثيل خرافي والله من براد بيت وعوايده هالولد ..! الفيلم اعطيه شخصيا 8.5 من 10
فيه اضافات على الفيلم ما كان لازم تكون موجودة .. الموسيقى تستاهل جائزة اوسكار والله .. مشاعر كثيرة جتني بهالفيلم .. عن عمري بالذات ..
فيه مقاطع من الفيلم ممكن تنشال ويسوونها فيلم لحاله
Slumdog Millionaire
الفيلم جدا ظريف ، ومن ضمن احلى الافلام اللي شفتها .. لكن بصراحة ما يستاهل كل هالاوسكارات اللي اخذها .. يعني من جد حرام براد بيت ما ياخذ الاوسكار على فيلم في بعض لحظاته يقلب فيلم هندي .. على الرغم انه وراني شئ ما شفته ابدا .. وعلمني قيمة نفسي .. وقيمة النعمة اللي انا فيها .. لكن .. معليششششش 7 مدري 8 اوسكارات .. حرااااام والله ، الظاهر المخرج يهودي .!
الفيلم اعطيه 8 من 10 …
How to Lose Friends & Alienate People
يا حسافة قروشه فيلم ماصل .. وبس … 5 / 10
والله يا ماجد اولا حبيت اسلم عليك..
ثانياً يبي لك تصفيق محترم لانك ماتروح البحرين إلا اذا انا مسافر!
ثالثاً شكرا للتقييم لاني ماشفت اي من الافلام هذي!
وليد